تخيل

لـ خالد البذال، ، في غير مُحدد

تخيل - خالد البذال

تخيل لو تفارقنا
تخيّل لو تفارقنا و عشنا في هوانا أغراب

تخيّل لو تناسيتك و قلبك صار ناسيني
تخيّل لو تباعدنا و كل شوق ٍ جمعنا ذاب

تخيّل لو تجي صدفة عيونك يوم في عيني
تخيّل لو خلا هالكون ولا يسكن ثراه أحباب

تخيّل وش يصير الحال ما بينك و بيني
حبيبي للوصل سبه و للفرقى كثير أسباب

وأنا صابر على ظلمك و جرحك حيل مشقيني
تخيّل لو جرحتك يوم وجرحك بالهوى ما طاب

تخيّل بس لو مرة تبيني ما تلاقيني
تبي تشكي , تبي تبكي , تبيني و الأمل بغياب

صرخت بصوتك العالي من الضيقة تناديني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر