ياعين هلي دمعك اليوم هليه
واطفي لهيبً داخل القلب وقاد
وان قلت لك كفيه لا لا تكفيه
فينا ومنا دمعك اليوم يزداد
النوم عافك واجب انك تعافيه
من كان مثلك مايبي نوم وارقاد
هاتي عزيز الدمع بالله هاتيه
وأخفي المدامع لاتبين لحساد
الفرح ياعين الشقى لاتحريه
هلي دموع الحزن مافيه منقاد
وكحل العذارى لاتقولين تبغيه
لانك شقيه والعنا شي معتاد
لاياشقيه لو بيدي اسويه
آخذك يم الصين وإلا فبغداد
وإلا فقبراً يم شخص توديه
وأقول ياحزن العنا مالك قعاد
مالي جدى والقلب نيران تشويه
والصبر مامن صبر والجرح شداد
ماعاد عندي غير دمع تهليه
يطفي لهيبً داخل الصدر وقاد
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.