زرعـــت الحــب

أنا عاشق ولي معشوقتاً ما مثلها معشوق
أموت بحبها واخضع لها وأخلص لها ودي

أقدرها على كل البشر وأرفع غلاها فوق
ولا أنقص من غلاها شيء لو تصفق على خدي

زرعت الحب في قلبي لها والها علي حقوق
أقبل راسها ويدينها وأكشف لها سدي

ولو تأمر علي أشتالها وأمشي بها فالسوق
يطيع القلب وأعيوني وتستجبن لها يدي

جميلة في عيوني ما ينافسها ولا مخلوق
أفضلها على العنبر وريح المسك والندي

ولا يملأ نظر عيني كماها بالحلأ والذوق
ولا أترك حبها لو أوقفو كل البشر ضدي

أمينة مخلصة بالحب ما يطري عليها البوق
ولو حاولت أرد لها جزاها يصعب الردي

محبتها تقابلني بها من مصدراً موثوق
من القلب الحنون وعين عني تكره الصدي

أنام بحضنها عند البشر ما صارا في اطقوق
ولا تنلام في قربي ولا ترتاح من بعدي

تبادلنا المحبه من قلوبا صادقه وعروق
محبتنا قويه مع بعضنا مالها حدي

نهار فيه ما تضحك ولا نسمع لها منطوق
أضيق ويمتلي صدري زعل والنفس تنسدي

وهي في غيبتي تشفق علي وقلبها محروق
ويوم تشوفني تفرح وتنسي الحزن وتهدي

أنا يوما أتغزل فالحبيبه وأبدع الطاروق
أبيها تعرف إني مخلصا بالحب من جدي

وأنا ما شوف مخلوقاٍ كماها يستحق الشوق
وهي من حبها لي ماتشوف من البشر قدي

وأنا لو أستطيع اعمل لها وسط الحشى صندوق
عملته لجل أرجع شي من معروفها عندي

عسى يمنا تقصر عن رضى محبوبتي للعوق
وعسى بيتاً يضيق ابها على راعيه ينهدي