موقف ذوي زراق

فا الموقف اللي يستحق الشعر من جزل القصيد
موقف ذوي زراق يومن إكتمل طابورها

العزوة اللي في اللوازم ما تغيب ولا تحيد
اللي ليا نادا مناديها يسر حضورها

يامرحبا مليون في مليون والزايد يزيد
في الحفلة اللي من تواجدكم يشعشع نورها

فايز يقدمها لضيفانة وأنا اكرر وأعيد
عن عزوتٍ با الضيف لا يمكن تضيق صدورها

تكريم للي شرفونا من قريب ومن بعيد
والنفس بالطيب تزيد أفراحها وسرورها

الساعه اللى تجمع الأصحاب والاقراب عيد
في ليلةٍ بالمسك والكادي تفوح عطورها

مبروك ياشيخن لبست الثوب والبشت الجديد
ومبروك لعيال الحرار اللي ربت فوكورها

الله يتم افراحكم بالخير والحظ السعيد
واللي تريد الشر يكفيكم جميع شرورها

المدح في فايز محلة صدق بالعلم الوكيد
وما مدحت أهل الكرامة ما جرحت شعورها

رجلاً مع أهل الطيب سوا له من الطيب رصيد
ما عاقتة سود الليال بلينها وعسورها

جارا زمانة لين حصل من زمانة مايريد
يضرب بصاطور الصعاب اللي يفج نحورها

الله عطاه من التواضع والصخا شي فريد
والمرجله والعرف مالك روسها وجذورها

والرجل من كثرت تجاريبة يفيد ويستفيد
حيث الليالي من مشاكلها تفيح قدورها

وليا ضرب يضرب على الدنيا بسيف من حديد
أما قنع من كورها ولا طلع من كورها

والبندق اللي مالها صياد ماتقدر تصيد
إما لقت رجلاً يحقق فالهدف ناظورها

واللي يخلد له على دنياة تاريخٍ مجيد
باقي حياتة مايهمه لو يغلق دورها

إن عاش في عز وفخر وإن مات محسوبٍ شهيد
العمر له ساعة تعد أيامها وشهورها

ما دامت الدنيا لابن غانم ولا لابن الوليد
والأنبياء وأهل القصور اللي كبار أقصورها

يا الله يلي كلنا لرضاك خدام وعبيد
تغفر ذنوب المسلمين ولاتفرق شورها

يارب تنجينا من الأهوال فاليوم الشديد
واكتب لنا الفردوس فالجنة وقطف زهورها

وختامها صلوا على المختار سيد كل سيد
اللي بعثه الله يوضح صدقها من زورها