الجمل لاطاح كثرة سكاكينه - أحمد محمد الهلالي

غيابك سنه مااجبر خفوقي على النسيان
الين ان هذا حالي اللي تشوفينه
سنه يا(000)و(000)يصارع الاحزان
وانتي الفرح في كل لحظه تعيشينه
قطعتي سنه ماابديتي اسباب للهجران
نسيتي غرام اللي مسكنك في عينه
وهلحين جيتي عقب ماالقلب فيك انهان
وخاب الرجا في كل شخص ترجينه
(طرحت اسأله عن رجعتك لين حتى حان
اذان الفجر والمسجد افقوا مصلينه)
وانا اسأل وش اللي ذكرك في غرام انسان
هجرته سنه واليوم جيتي تزورينه
لواني (نذل) صكيت من دونك البيبان
وقلت الطريق اللي لفا فبك تدلينه
لكنك عرفتي انك النبض في الشريان
وفي ساعة الشده حبيبك تلاقينه
لوانك تعوذتي ياعمري من الشيطان
ماكان الجمل لاطاح كثرة سكاكينه
عسى ماخذلك الحظ ولا جفا الخلان
وعسى ماانتهى حلمك وجفت بساتينه
عسى رجعك حبك وشوقك لشخص كان
بكل المشاعر كنتي انتي تتحبينه
معه ماعرفتي غير رفعه وقدر وشان
لوانك عرفتي قيمته ماتخلينه
لانه ابد ماعرضك يوم للخذلان
وقف موقف ماضنتي يوم تنسينه
وهلحين ودي اسألك ياذرى الاجفان
انا استاهل اللي صار فيني تسوينه؟
© 2024 - موقع الشعر