ماهو ضروري مانحسه نقوله - بنت قبيلتها

لا لايغرك ياولد كتب الاقلام
ماهو ضروري مانحسه نقوله

كذا احب اكتب انا قبل ماانام
بنت وابي شعري يمثل بطوله

احيان احب اخذ سياسات صدام
واحيان من دم الحياة مغسوله

يعني تخيل انك تشاهد افلام
آزن حدوث الفلم واعرف اصوله

يعني فلم من دون ابطال واِعلام
فلم وبطل هالفلم بنت(ن) خجوله

من العطاله جيت ابنسج من اوهام
احداث قصه عن زماني معزوله

لاماعرفت الحزن من طول الايام
يشهد على هرجي زمان الطفوله

جنب ياحزني ماني بناقص الام
شف كل حرج لي يطيب بسهوله

كانك تبي دنياي فالوعد قدام
وكانك تبي تشكي فراقي محلوله

تبيني اصدر للفرح حكم الاعدام
مالي سوا عالمك عرضه وطوله

شف موتته تشبه لإعدام صدام
يومن ماجابه سوا اردى فعوله

وش نفعته لاصار عن دنيتي صام
خلاني امشي واليدين مغلوله

لا لايغرك ياولد كتب الاقلام
كذا احب اني امثل بطوله

طير الفرح ياسيد الهم بي حام
ولا الحزن عيا ينوخ ذلوله

ماقلت لك حزني مجنب من اعوام
واني انا له شي يعجز يطوله

لاما اشتكيه الوقت ياناس لو ضام
ماتشكي من الوقت بنت الحموله

© 2024 - موقع الشعر