ياطبيب الروح لازوّد نحيبه - بنت قبيلتها

اقبل اقبل يامبيح لي خفايا
ياطبيب الروح لازود نحيبه

شمسكم تضوي على كل البرايا
شمسكم نور سطع صعب مغيبه

حضرة الهاجوس حضرتكم معايا
الشعر منصب وانا للشعر ذيبه

كني الحاكم وحرفي لي رعايا
لاطلبت الحرف ثارت تستجيبه

الحروف تثور تبغى لى رضايا
والمعاني كل مقصود تصيبه

ماكتبت الشعر لاجل اطلب عطايا
اكتبه يوم الشعر بين مشيبه

اكتبه من هم ينهش في حشايا
قام ينهش والبلا وينه طبيبه

ياقصيدي ياطبيبي ياغلايا
يانصيبي يوم كلن له نصيبه

لاطلبتك حط لجروحي نهايا
شف بنات الجيل انا عنهم غريبه

بنت لكن غير عن كل الصبايا
راجح عقلي وفوق العقل هيبه‎

طاهره قلب وجسد وياالنوايا
ماوطيت لدرب قوم فيه ريبه

قلتها يوم البني صارن سباي
اوالرجل ماكل درب يب يعيبه

© 2024 - موقع الشعر