اللثام

لـ فلاح العبسي، ، في غير مُحدد

اللثام - فلاح العبسي

شفت العيون وقلت يالله يمعين
حسّيت بالقلب تّكوّن صدوعي

جفّت عروقي ونقسم قلبِ قسمين
قام يْتصافق هالجبان الجزوعي

شاف الهوال اللي كما خرس ليلين
وسط النّهار اللي بياضه يشوعي

واقواس جندي يحرس العرض والدّين
له عدّةٍ جمعٍ وجمع وجموعي

حتّى غزال الرّيم لو شاف هالزّين
لفّ بغرور وغيرته بالدّموعي

بنتٍ بللثام اتعبتني ونا بين
بين الحيا والمستحا والخضوعي

ذبّت قناع الوجْهُ وطاحت من العين
شبرين ورتكزت بداخل ضلوعي

سبحان خالقها من الطّين المْهين
كلْها جمالٍ هزّ راسي وقوعي

رضيت بخضوعي وخذت الحيا دين
يا ويل ديني راح عقلِ وْخشوعي

استغفر الله من خطايا الشّياطين
آجوع حسنٍ وارو ِ دينٍ يجوعي

© 2024 - موقع الشعر