بعض البشر - إنكسارات النخيل

أحدٍ تحشمه لابدا منه منقود
..وأحدٍ ليامن زلّ خله يولي
 
دامه دني النفس ماعنه منشود
..خلك مع اللي بك يبش ويهلي
 
بعض البشر من خلقته دوم مقرود
..وبعض الاوادم عشرته ماتملي
 
والبعض منهم قربته مابها فود
..رجله على الشينات دايم تزلي
 
لاشان وقتك وانت بالهم مصيود
..يكفيك ذاك اللي وجوده يسلي
 
الصاحب اللي صاينٍ كل العهود
..لاماتوانا يوم مهما حصل لي
 
لامن زهمته انطلق مثل بارود
..سيد النشاما فزعته لى محلي
 
إسمه ونبزه مع هل الطيب معقود
..حرٍ من التلميح دوم يفطن لي
 
ومادام حظك جاب لك راعي الجود
..راعي الشنا والسو خله يولي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر