بعض البشر

مرت وبنت الناس تمشي بعفه
واللي تعدتهم عقول(ن) سخيفه

حتى البصر للبنت عيت تكفه
والمشكلة بنت الاوادم شريفه

بعض البشر صارت بهم زود خفه
يطرد ورى لون العباية وطيفه

ترقيمها غاية مراده وشفه
حتى تكون البنت لعبة بكيفه

والمشكلة كسب بعضهن بصفه
ماكنها ياغير تمشي كفيفه

يرسل عليها حب وهمي يزفه
برسالة(ن) عبر الموبايل طريفه

ماغرها ياكود حكي(ن) يصفه
حتى غدت دبلة بيده خفيفه

وأخذ يمثل دور عاشق بزفه
وأجاد في مسرح غرامه وزيفه

حتى طلبها تقابله في مخفه
وصار اللقاء بين الوليف ووليفه

ثم(ن) حضنها بين كفه وكفه
حتى غدت قدام عينه ضعيفه

واستسلمت ماعاد تقدر تدفه
وأخذ من البنت العفيفة رغيفه

وقام بالتصوير من زود شفه
وبدا يهددها على أشياء كليفه

حتى بقت مركونة(ن) فوق رفه
إليا بغاها غصب تاتي كسيفه

إنباح صبر البنت عيت تكفه
لين حبكت خطة لقتله ظريفه

ونفذتها وإستباحت مهفه
وعاشت بوسط السجن برده وصيفه

وطبق عليها حكم صادر ملفه
من هيئة التحقيق تقتل( لطيفه)

أواه من عفة غدت مستعفه
من عقب ماكانت بنيه عفيفه