حربي شجاع - بدر الجابري الحربي

قالت اسمك : قلت يالعذرا بدر
قالت أصلك: قلت حربي(ن) شجاع\\

قالت اللي بالسماء نص الشهر
قلت بدر ولي من صفاته شعاع\\

وقالت اللي نسمعه وقت الخطر
قلت حرب وللأصل منه الطباع\\

واسألتني ويش هو معنى الغدر
قلت يابنت الحلال الغدر شاع\\

طعنة الاحباب لاجت بالظهر
صورة(ن) للغدر في أبشع وداع\\

وقالت اللي فات : قلت أعظم دهر
لأن فيه السبع مايخشى السباع\\

وقالت الحاضر : وقلت أسواء عصر
لأن فيه الحر مايقوى الصراع\\

وقالت اللي آت: ويش المنتظر
قلت أظنه شر قادم بإتساع\\

وقالت اسمى شي :قلت أصدق خبر
وقالت الحب الحقيقي: قلت ضاع\\

وقالت : نشوف السحاب بلا مطر
والهجوم بهالزمن عود دفاع\\

قلت عادي :باكر يطول العمر
تسمعين الحق لأصحابه يباع\\

© 2024 - موقع الشعر