علقم الفرقا - بدر الجابري الحربي

ماعاد به شي بحياتي يسلي
والحزن لابسني كما يلبس الكوت

مدري وش اللي في حياتي حصل لي
ماكني إلا عايشٍ(ن)وسط تابوت

يارحمة الله خيلي وإستهلي
قدام نفسي من عنا أيامها تفوت

مليت صبري وأيضا(ن) القلب ملي
حتى الفرح في داخله صار مكبوت

كنت أحسب إن الحب يوخذ تسلي
وأثره يهز قلبوب ويحطم بيوت

سبايب إنسان(ن) على القلب حلي
أهديته أغلا دار وأهداني الموت

من يوم قال بخاطرك طحت كلي
طيحة عماير بوش مع فارق الصوت

وأقفى ودمع العين وابل يهلي
من علقم الفرقا بعد لذة التوت

وعرفت بأن الهجر مثله كماللي
يرميك في صحراء بلا ماء ولا قوت

واللي بقى من ذكريات(ن) لخلي
جرح(ن) بصدري بين الأضلاع منحوت

© 2024 - موقع الشعر