حلايا كلامك - سامي الوسيدي

وينك فقدتك غاب حتى سلامك
حتى كيانك مالمحته من سنين

تكلمي هاتي حلايا كلامك
لاتكتمينه داخل القلب تكفين

قولي أحبك وأفتقرت لغرامك
الي يجمعنا على الود قلبين

انا وعشقي لو وصلنا مرامك
ماظنتي نصمد وحنا بعيدين

جيتك وأشوفك ذايبه وأنسجامك
يوحي بأنك كل ما أقفيت تبكين

واليوم في لحظه يبين أنهزامك
الي ترك قلبي من الوجد مسكين

مدري تجاهل منك وإلا ألتزامك
يبقى مجرد فلسفه بين شخصين

يابنت شوفي شاعرك في ملامك
باح القصيد الي انسجن فيه عامين

وشوفي من الي حاز كل أهتمامك
وشوفي قصيدي في غيابك وتدرين

بأني أنتهيت وذقت مر أنتقامك
وذقت الحسايف من تجافيك والبين

وبأنك خسرتي حبنا وأحترامك
وبأنك على فرقا محبيك تقوين

© 2024 - موقع الشعر