لاهنت يالميقاف - فالح بن معترم

ياهاجسي جازم على محراف
خلك معي في وسط محرافي

محرافنا مع زينة الاوصاف
اللي خذت جزلات الاوصافي

ابو جديلن ساتر الاطراف
اسود يغطي كل الاطرافي

اعيونها لو شافها العراف
يصيح انا مانيب عرافي

ماالوم عقله طار يومه شاف
وقول العرب إفلان وش شافي

من دونها الحراس والسياف
وماطولها لو كنت سيافي

جازم لها ولانيب انا خواف
ولاني اخاوي كل خوافي

اما تجاوب غايتي بنصاف
ولا تقطع قلبي انصافي

بعض الاودم معتلي مشراف
ولا غيرها بحدود مشرافي

نفسه جميله والضلوع ارهاف
ولاتعترف بنفوسن ارهافي

كن الجمال اصبح لها ميلاف
والخلق والاخلاق ميلافي

بغير الموضوع للاهداف
ابيه يكشف وشهي اهدافي

الله نهى عبده عن الاصراف
واليوم شفت العبد صرافي

احدن ينام ابدوشقه ولاحاف
واحدن ينام ولا له الاحافي

واحدن لاقا عزه مع الاشراف
واحدن لاقا ذله مع أشرافي

واحدن يشوقه وزنها والقاف
واحدن يفتش وزنها وقافي

واحدن لكل مهره ترا عساف
واحدن ماهو للخيل عسافي

وياهاجسي لاهنت بالميقاف
جملتني في وسط ميقافي

© 2024 - موقع الشعر