معركة احزان - عمربن عجرف الشمري

يضمك غيري وانتي تضمينه وهو مرتاح
وانا الي اتخيلك دايم تجين انتي وتضميني

انام واحلم بليلي احسه من عيوني صاح
خلاص انساه ..ماقدر واضن انك نسيتيني

بكلامي كنت اتغزل وكلامك كان فيني رماح
كثير أرماح جت منك كسرها حبك بعيني

سنين وذكريات وصمت وأحساس وغلاك وشاح
دموعات القهر اللي بكتني يوم خنتيني

وربي ماتوقعتك تزيدين الجروح جراح
لأنك كنتي تداوي جروحي بس جرحتيني

أنا في معركة أحزان ولكن مابيدي سلاح
سلاحي كنتي وصرتي علي اقسى عدويني

أنا ادري ان الغلا لأزاد عن حده غدى ذباح
وانا اغليتك وانتي رغم هذا ذبحتيني

ابكذب لو سئل عاذل كيفك؟ قلت له مرتاح
وانا والله من بعدك حزين انتي تريحيني

يضمك غيري وانتي تضمينه وهو مرتاح
وانا اضم القهر اللي سكني يوم خنتيني

© 2024 - موقع الشعر