لا تعـــقد الحــبل !!

لا تعقد الحبل وانته عاجز(ن) فكه
ما يعقد الحبل من هو جاهل فكاكه

قلت الشعر ورث لك وتجيد في حبكه
وانك دركت الذي ما يسهل إدراكه

أثرك بقولك وضح مغرور بك ربكة
متوتر(ن) خايف(ن) والنفس شكاكه

شفتك عرقت وبعد ذا وجهك تحكه
وشماغ راسك يميل وهمت بمساكه

وش لك بقول(ن) ترا ما مكتمل سبكه
لا هو ذهب أو لجين وانت سباكه

وش لك تضد الخصم ويديك مشتبكة
شروا الطفل دايم(ن) تتعمد ارباكه

حالك صعب والشعر من سبتك ببكه
لا صار ما في الشعر من يغزل شباكه

يا معتدي!!! والعزا بابه بعد صكه
وباب(ن) يجيك بغثا إنت إحكم اشراكه