حال الغياب - عبدالله العمري

كم سألت الليل عن حال الغياب!!
عن حنين الشوق وأحزان الغريب

عن عذاب البين وأحلام السراب
عن بعادك آه يا أغلى حبيب

في يديني جرح وعيوني إكتئاب
أدرج الدمعات بصياح ونحيب

ماد صرحٍ طاول كفوف السحاب
ما هقيت الشمس عن عيني تغيب

ماتت غصون المودة في الهضاب
أشعل الحطاب من عزمي لهيب

غبت عني وأبتدى فصل الضباب
عج كل الكون برمال وكثيب

وين ودك تنثر شتات الشباب؟!
هوبقى فيني من الشدة نصيب؟!

من فقدتك ما بقى فيني صواب!
ما سمعت بفاقدٍ عقله يصيب

آه أنا مليت من سود الثياااب!!
من حداد البين والصمت الرهيب

صاحبي بالله وين ألقى جواب؟!
ضعت بين الحزن والوقت العصيب

صاحبي بسألك وش حال الغياب؟!
لو فقدت إنسان هو أغلى حبيب!!

© 2024 - موقع الشعر