رفيق مايقاسمني همومي في القسى واللين - محمد بن باني المخاريم

رفيق مايقاسمني همومي في القسى واللين
وانا اعده عضيد لي على صكات الأزماني

هذا مانيب راجي فزعته حاضر ولا بعدين
لو انه من بعيدين العرب وألا من اخواني

يخادعني بضحكات السنون وبالكلام الزين
وانا مالقاه لاحتجته وهو لاحتاج يلقاني

يبين لي علامات الرضا مير الصحيح يبين
امامي يبتسم وان غبتنا بالهرج يقفاني

ومشاريهه علي كبر الجبل ماضي ولأذا الحين
وهو لامن بدالي لازم صد وتناساني

مادام اني معه بالطيب وافي والعرب دارين
ولياضاقت علي دنياي جنبني وخلاني

خساره ويش ابي به والمثل قال الدروب ثنين
أبمشي واحد منها وهو يمشي مع الثاني

ورفيق صافي لي باخدمه بعيوني الثنتين
مادام انه معي ماجود في زودي ونقصاني

هذا في لازمه بابذل جهودي واتعب الرجلين
مادامه في اللوازم يبذل المجهود من شاني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر