همومي علي ملتمة

غنيت وهمومي علي ملتمه
وهموم خلق الله معي منظّمه

ازعج بصوتي لجل يبرد جاشي
لو إن جاشي مستوي من همه

ما دامني شاعر ، معتلي(ن) لي منبر
ياجب علي انظق بصوت الامه

إما غنات الذيب ، والا فقره
موت الفؤاد ، ولا ممات الذمه

إنموت حنا روسنا مرفوعه
خير من نحيا بليا همه

حنا عرب ، والاصل موطن واحد
بس الصحيح ان كل قلب بيمه .!

اكبر دليل ان كم شعب(ن) فينا
اكبر حقوقه ، كارثه ومطمه

الاوله : شعب الحجاره ينزف
دمه ولابه من يوقف دمه

شعب(ن) حياته كنها مرثيه
قصيدة(ن) من شاعر(ن) يرثي امه

والثانيه : لبنان ياناشدها
عن حالها ، من حالها .. منطمه

اليوم باتت ما عليها رّيس
والله وكيل الغد ويش يطمه

وبغداد .. ثالث نكبت(ن) منكوبه
من المجازر ممسيه منسمه

كنها حلايا وجه طفل(ن) يبكي
مضيوم ، ومجّوع ولاحد(ن) ظمه

سكّانها شايش وينخانا
ويطر جيبع عقب ذب العّمه

أوضاع لو نشوفها بالمجهر
ما يضمن الرّواي ..يرد الجّمه

كم من عيون(ن) غارقه حاجبها
ما فيه من مش الدموع ، بكمه

ستين عام(ن) ، والقمم معقودة
لكن ويش الفايده بالقمه ..!

تكفون يا قاداتنا وأحيونا
نفوسكم بأمثالكم .. منزمه

نبغى السلام يعم شعب الموطن
وترز رايته ، وعقب نتمه

بقول قولي ، وايتقول قولي
مانيب من قول الصداه ، بفمه

العرب جرح(ن) والخياطه القاده
ويا كبر فتكه صعيب(ن) لّمه

واليا التحم .. يصعب لغيره فتكه
هذا كلام اللي عوى من همه