ماتبيني

لـ ، ، بواسطة غادة العلوي، في غير مُحدد

لو تبيني اقتطفني و توني في زهرة شبابي
قبل ورد العمر يذبل !! ينسرق قدام عيني
في غيابك عشت همي.زاد من صدك عذابي
ولالي ذنبٍ غيرِ اني اطلب انك تحتويني
يا حبيبي ودي افهم ليه تستحلي غيابي؟
وانا تطعني الثواني في غيابك ياظنيني
وليه جدبا دوم ارضي؟؟ ولك سما تنفي سحابي
ولك غرورٍ دوم شامخ.. يمنع امطارك تجيني
من عرفتك يا حبيبي وانت عني ف اغترابي
والوصل غير طريقه و تاه في دربه حنيني
ورغم كل البعد عنك يوصلك شوقي متصابي
خضب كفوفه بلونك و ارتدى لك كل زيني
كافي ارحم يا حبيبي عشت في البعد اكتئابي
يعني شافسر عنادك؟ أفرض انك ماتبيني؟
ما تبيني وانت اسمك صار عنوان لكتابي ؟
صار اسمك كل حياتي و حلم آضمه بيديني
ماتبيني؟ وانت قربك فيه جرمي وبه عقابي:
كاس مرٍ وارتضيته ارتويه .. ويرتويني..
ما تنازل عن حقوقي وارفع اعلام انسحابي
لو تغوّيني دروبك. لو اتوه ومدري ويني
وما تخلى عن وعودي لو فنى يمك شبابي
ولو يضيع العمر كله و انحرم من نور عيني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين