ياظالم خاف الله فيني
 قول انك تبيني أو ماتبيني؟؟
 تعبت اتنفسك
 تعبت اتخيلك
 في كل حالاتي طيفك محتويني!!
 عجزت افهمك
 عجزت ألملم مابقى فيني وأهجرك
 عجزت عن كل شي ...غير اني اعشقك
 ياتاخذني كلي أو تخليني
 قول انك تبيني أو ماتبيني؟
 أخذتني من كوني وعيشتني في عالم منسي
 ضيعتني سرقتني حتى من نفسي
 احتليت كل شي فيني
 احلامي... شعري... وهمسي
 ريحني في حبك ياضنيني
 وقول انك تبيني أو ماتبيني
 ياقوة قلبك!!
 كيف تتركني اعاني
 تخليني بلا هدف بلا معاني
 تايه بين وصلك وهجرك
 رحلت وتركت لي صمتك
 وانت تدري اني ماأقدر اخليك
 ولو الدنيا تخليني
 قول انك تبيني او ماتبيني؟؟
 وش بتستفيد بتملك قلبي وانت ما تبيه؟؟
 مره كل عام تسأل عليه
 ريحني ياحبيبي وقول انك ماتبيه
 قول وماعليك فيني
 لجل مااعيش انا انتظر هالسؤال
 احفظ كل كلمة فيه تنقال
 أعيده مليون مره...
 بحلوه ومره...
 واعيش عامي كله على هالموال
 أسير بين كلمات تحيني
 ريحني في حبك يا ضنيني
 وقول انك...
 ما 
 تبيني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين