باقة سلامي

نبدا بذكر اللي خلق ظلمه ونور
إمجر سفينة نوح من بين الأمواج

من فوقها نوح النبي بات مأمور
هلل وكبّر ينتظر وقت الإفراج

بمره رجع موسى على امه من ابحور
لطّف بحال امه من الحزن واحراج

بسمه بديت وكلّ شيطان مدحور
نبدا البيوت اللي جزيلات وبلاج

شاعر ومتواضع وينضم بالبحور
لولو ومرجان"ن" على خيط ديباج

زاد الفرح بقلوبنا زاد السرور
شيخ"ن" مناسب شيخ يا فخر الأزواج

تفخر به البحرين من نسب مدرور
لى بو فلاح الأصل والصّيت وهّاج

ارسلت لك يا ناصر العلم بالنّور
باقة سلامي عدّها فوج حجاج

تليق في مثلك على الطّيب مذكور
للطيب ساس و معتلي كنه ابراج

ياطيّب السّيره لك المجد منشور
مجد"ن" رقيته جاك من جدّك ادراج

عنك الردى والخوف والبخل مقبور
في محتوى شخصك لك الله ماداج

فيك الكرم فيك الوفا شيّ مخبور
تاقف مع اللي جاك بالوقت محتاج

وافي وكافي بالمهمات والشّور
عندك لها حكمت تساهيل وعلاج

وصلّوا على اللي وضّح الحق والنّور
عد ما تصافق بالبحر عود الأمواج