الصدور الشماليه

سجةٍ لرجل في وقت عصريه
غاية اللي من عنا الوقت وجعاني

فرجة عن زحمة الخلق بريه
هي دواء لنفس لو كنت وحداني

نفسي اللي عن غثاء اللغو منهيه
ما تطاوع بالخطاء كيد شيطاني

مالها في لجة الهرج رديه
شايمه من عرضة أفلان وآفلاني

عادةٍ فيها أكثر الناس مبليه
واقعن في تالي الوقت لي باني

والعلاقه باكثر الناس عكسيه
كل ما صديت عنها تبلاني

عالماً تدفع على الشر عيديه
مالها في سيرة الخير عنواني

يا فهد طبع العرب ما طبع فيه
سالماً منه ولانيب ندماني

يا زميلي والعلاقات وديه
البناء شيد على غير سيساني

اغتنم دام الصداقه حميميه
دامها تعطى على غير ميزاني

لا تغيرها وانا صافي النيه
ان ربح مثلك فلاني بخسراني

وان عقدت الحبل جود له إلليه
لا يفك الحبل وتروح زعلاني

لا تعذر والعصا معك سحريه
في حلاة العمر شاعر وبطراني

استفد ما دامت التجربة حيه
العمر مره ولإل العمر ثاني

الله اكبر يالهبوب الجنوبيه
مع هواها كل خبلاً علي ماني

خبلها من دون فكراً وعقليه
من ردات الحظ قام يتحداني

مدفعن لبليس في مقدم الهيه
هيةٍ ما شرفت كل ميداني

قادها الظالم بنيات شريه
قادها من غير حجه وبرهاني

يوم فسق الثور كبرت علابيه
مصغياً للهرج من كل قوماني

زين دلك يالصدور الشماليه
ما يهمك بالخطاء هرج غلطاني

يا فهد جتك العبارات مخفيه
صاغها بالفكر شاعر وفهماني

ان فهمت القصد لا تبطي الجيه
وان جهلته قول صح الله الساني