كلنا جندا فداء السعوديه

يا قصيدي والشعر زانت اللحانه
طاب لي نظمه ولبت قوافيه

البحر يعرف بدره ومرجانه
والشعر يعرف بقوة معانيه

يوم كلاً للحدث يسرج أحصانه
انتخيبك واعتزي بالجنوبيه

كلنا لدار من دون عدوانه
مرخصين الروح والنفس مرضيه

لجل بيت الله وشرعه وقرانه
ناقف بوجه الغزاة العدائيه

وبامر ابو متعب ودولته وإخوانه
كلنا جندن فداء لسعوديه

شعب واحد نحمي الدار وأركانه
وقفتن فيها صمود وفدائيه

كلنا سيفن على الكفر وأعوانه
ما يجي في صفنا مخلف النيه

يا حماة الدار يا نصرة أوطانه
لا تصير الأرض مزبن لحوثيه

من يخون أرضه ودينه وجيرانه
أهدروا دمه وفتواي شرعيه

حوثين حده على الموت شيطانه
يحسبن الدار ما هيب محميه

فارحن بالحرب والحرب خسرانه
خاب ظنه يوم خابت مساعيه

أرضنا بالله وبالدين من صانه
ما تزعزعها جماعات فكريه

في ذراء حكمن على الشرع سيسانه
امة محمد على الحق مهديه

وديننا الاسلام والسلم عنوانه
وفي شئون الغير دوله حياديه

وان دعانا الحرب جينا لميدانه
والعلاقه بالشجاعه حميميه

ارض جو وكل جاهز النيشانه
خطةٍ ترسم بحنكه سياسيه

وكل خصمن له مقامه وميزانه
والصداقه بالسيادات دوليه

السعودي ربي اللي رفع شانه
حافظن دينه ودولته شرعيه