كان حزني في غيابك فوق ماتتخيله

لـ طلال محسن، ، في غير مُحدد، آخر تحديث

كان حزني في غيابك فوق ماتتخيله - طلال محسن

ياثقل دم القصايد لاغدى المعنى ركيك ..!
وانا قطفت من الشعر لك ياحبيبي اجمَله

كل شي ٍ بالهداوة دون ماتطلب يجيك
انت بس ارتح وريّح مابالامر اي عجَله

شوف قلبي تارك ٍ صدري وجا يمك يبيك ..!
وشوف روحي بعد قلبي يمّك انت مهروَله ..!

حتى عيوني بالنظر لا جيت تتسابق عليك
وانت لامن جيت كلي لك يجيك بأكمِله

انت .!؟ يا اول غرامي وآخره محد ٍ يليك
كل ليله دون شوفك عند خلّك مطوله

كان شوقي من قبل تآتي يسافر بي اليك
وكان حزني في غيابك فوق ماتتخيله

شاعرك ليله مع القمرااا سهير ٍ محتريك
ينزف مشاعر والورق يشهد بأنك مشغله ...!؟

لك صاحب ٍ لوّك تطوّل في غيابك مانسيك
حتى ولو بعدك مع العالم قضاها هجوله

بالهداوة .. بالهداوة كل ماتامر يجيك
اهد واهدا لا تعجّل .. مابالامر اي عجَله

© 2022 - موقع الشعر