ابن روسـان

البارحه محتار في بدع الالحان
احترت كيف احترت ماهي بعاده

ماهي بعاده صرت بالشعر حيران
ولا هي بعاده يرفض الفكر زاده

يمكن عشان اللي به القاف عنوان
ابوفهد ياعل فاله سعاده

اللي ورث صيت(ن) تخلد بالازمان
شيخ(ن) وله بالجود حكم ورياده

نهّات قوم(ن) واللقب إبن روسان
تاريخ مايحتاج مني شهاده

اقبل كما الاعصار لا كسّر اغصان
نوى يشارك قو عزم واراده

وضح(ن) تسر الصدر وتسر الاعيان
ماذمها راع الحكم والنقاده

شارك بها بمسابقة عز الاوطان
عبدالعزيز موحد ارجاء بلاده

كل الشمال تقول حضرن وبدوان
يالله عسى هزاع يلقى مراده

مثل قبيله تعتزي ب اسم ويلان
تفخر ب اسم هزاع خلفه سناده

انشهد انه فخر رجاح الاوزان
حرم على ناره يجيها رماده

في مجلس(ن) ماصك في وجه ضيفان
يكرم ولا فكر بنقص وزياده

يالله عسى هزاع الاول ب الاعلان
ويالله عسى الحاقد يشوف النكاده