على رسلك

لـ خالد الردادي، ، بواسطة غادة العلوي، في غير مُحدد

على رسلك - خالد الردادي

على رسلك تريّث لاتمر الساكت الثرثار
ترى اخس الكلام اللي تقوله قبل تختاره

إذا جيت اتفلسف.. لاتكلّم.. لين ما تحتار
كذا.. إياي أعني ..! واسمعي مغناي يا ساره :

تنازل عن بعض شخصيتك.. حاول تعيش حمار
تعلّم كيف تقرا..؟ وان تألمت.. اكتب ..الحاره :

تمر سنين .. والجار يتعدى مايمر الجار
يموت بناخي اللي مات.. وبناخيه مازاره

يشق التاجر الملعون في جيب الفقير "ازرار"
ويشرب مع عرق لقمة عياله.. دمعة " ازاره "

لك الله .. لو يواخذنا عليها.. ماترك ( ديّار )
ولكن الله اكبر من غبا الانسان و اوزاره

على رسلك..!تريّث !!لاتمرّ ( الساكت الثرثار )!!
ترى اخس الكلام اللي " نقوله قبل نختاره "

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر