البارحه دمعي على محجر العين
يوم العرب كلن توسد وساده
الله يعيين اللي همومه ملايين
وماذاق في دنياه طعم السعاده
يمسي على همٍٍ(ن) ويصبح على بين
واقضى حياته بين صبر وجلاده
مايشتكي همه فراق المحبين
استغفر الله كان هذا مراده
ولايشتكي همه من الفقروالدين
عيبٍٍ(ن) على الرجال يشكي لزاده
يشره على اللي خوته مالها دين
اللي بوقت اللين تسمع رعاده
ويقول انا يمناك بالزين والشين
ويطمنك مثل الختم بالشهاده
ولامن حصل بالوقت فزعة منادين
يوحي لك الجوال {فضلا اعاده}
بعد الاحد ياصاحبي يوم الاثنين
وتشوف ليلك مظلمٍ في سواده
لاتحسب انك من حساب السعيدين
ولاتشوف في دنياك حزن وقراده
يبي يجي لك وقت مافيه ياوين
الصاحب اللي في جروحي ضماده
وانا لي الله ياشبيه المساكين
الواحد اللي كلنا من عباده

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين