علّم للحوثي

يالحوثي المجنون رايح على وين
ابنشدك ياوين عقلك موديك

جمعت لك بالوقت الاخر مجانين
واوقدت نارٍِ(ن) بين ربعك واهاليك

يوصلك دعمٍ(ن) بالحطب من بعيدين
ناسٍ(ن) تزهل بالزهاب وتغذيك

ناسِ(ن) توافق معك بالعقل والدين
مشروعكم واحد للاسلام تفكيك

بعطيك علمٍ(ن) فيه رجح الموازين
علمٍ(ن) على غاربك ياسم ويكويك

لاتحسب ان الالف مثل الملايين
دامك نويت تمد لينا اياديك

ابشر بدوله واقفه للمعادين
جيوشها نيران بالحرب تصليك

دار السعود اللي حكمها السلاطين
اخوان نوره يوم دك الدواكيك

روًَُّّّح وحط العلم مابين قوسين
من هو يحاول طمر كل الشبابيك

افعلونا معروفت(ن) بالبراهين
يالحوثي اللي مرتبك في خطاويك

مادام ابو فيصل وقف بالميادين
في ذمتي من دون ريب وتشاكيك

تبغي تشوف نجوم حز الضحى تبين
وتبغي تعاف الزاد واللي حواليك

واخر كلامي ياصلك وافهمه زين
وياصل بعد منهو وراك وموصيك

تبقى دياري قبلت(ن)للمصلين
ونبقى على عهد الوطن والمماليك