الله واكبر صرت تستنكر الصوت !
من بعد ما كنت إتمنى سماعه

العام تحسب لي الدقيقه لو تفوت
والحين ما تعطي من الوقت ساعه !

لاهنت ,, ياللي لايت ٍ خافقي لوت
أقنعت قلبي عنك رغم إمتناعه

واللي حفظ يونس نبيه من الحوت
من باعني بعته مثيل البضاعه

حبل الوصل لو بيننا صار مفلوت
ماهمني في جذبته وإنقطاعه

نفسي عزيزه لو توردني الموت
ما أذل لو إن ذبحتني الشجاعه

المر عندي خير من حالي التوت
لا صار به منّه \ وهم \ وقطاعه

لو توزن الدنيا جواهر وياقوت
من ينزل إمن العين صعب إرتفاعه

خلصت منك يوم تستنكر الصوت
من بعد ما كنت إتمنى سماعه !


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر