الــمــونــلــيــزه - محمد الصواغ

إعجاز في تعجيز في قمة إعجاز
وصفك وتكوينك يِعَجْزَ الغريزه

مافاز منهو يجهل الزين مافاز
يَعْشِقْه لو شافه لفتره وجيزه

انا أعتبر عشقي معك قمة إنجاز
يوم إن قلبي يم قلبك لزيزه

بعض العرب بمعاشره كنه ألغاز
ماتفهمه ومن يطلب مايعيزه

الزين شرقاوي وبياض اهل شيراز
ولك صورة ٍ داخل عيوني عزيزه

لو صورتك حطيتها وسط برواز
غطت بشهرتها على الموناليزه

© 2024 - موقع الشعر