مــرتــاح فــي حــبــك - محمد الصواغ

حبك غدا في حياتي قطعة ٍ مني
وماتلحقك بالمحبه ريب ٍ وشكه

ابرفع الصوت في حبك وابغني
وكل باب ٍ بوجه حب الغير ابصكه

دام إني مرتاح في حبك ومتهني
وكل القصايد جزال ومابها ركه

ابترك اللي هروجه مايفيدني
واللي بنيته معك محد ٍ قوا دكه

ماني من اللي هروج الغير يذني
واحس في خافقي مما جرا ضكه

الله عطاني المحبه من صغر سني
وجيوش شوقي بوسط القلب محتكه

ضني على ضنك وضنك على ضني
لوكنت لغز ٍ صعيب ٍ جيتك أفكه

لو أكتب الشعر فيك يفزلك جني
ومن كثر ما ينطقك في تعب فكه

ياعين جسرا تعوق اللي يطيرني
لاخرت إمن السما للقاع مشتكه

منهو حكا فيك عندي ردها عني
( مايعرف شعاب مكه غير اهل مكه )

ما دامك انت بحياتي قطعة ٍ مني
ماتلحقك بالمحبه ريب ٍ وشكه

© 2024 - موقع الشعر