حــبتـــين مـــن الكـــرز

يامحمد حالتي صارت شتاتي
والسبايب جاهل(ن) وأفنت حياتي

جاهل(ن) والزين فيها مايوصف
مالقينا مثلها بين البناتي

اشهد إنك لو سمعت الوصف عنها
ماتلوم القلب فيها ياغناتي

لكن إسمع وصفها وبالله قلي
عقب هذي ماتبي قلبي يحاتي؟

شعرها شلال ليل(ن) لو تفله
أستوى من فوقها مثل العباتي

وعينها لاناظرت ماكنها
ألا عين حر(ن) يرقب الصيد ويحاتي

وخشمها لاجيت أوصف كيف وصفه
سنته مثل السيوف المرهفاتي

والشفايف يامحمد دوخني
حبتين من الكرز متليماتي

وعنقها عنق الغزال إليا انتفض به
جافل(ن) من طلقة رصاص الرماتي

والنحر لين انكشفلي رحت فيها
من بياضه صاير(ن) مثل المراتي

والنهود موقفات(ن) فوق صدره
شوفهن يبري جروح(ن) معطباتي

وخصرها ياويل قلبي يامحمد
لاتمايل كنه أغصان النباتي

والردايف لعنبو هاك الردايف
طاغيات وساطيات ووارماتي

عقب هذي ويش اقول وويش اعدد
مير هاتولي القلم وأخذو وصاتي

كان رحت وجارت الدنيا عليه
وأعلنو مابين خلق الله وفاتي

إدفنوني في جوار البيت يمكن
لاظهر يقبل علي ريحه وياتي