الشوط الأضافي - محمد الحلوان الشراري

خانت ظروف الوقت ذاك التصافي
وتعكرت دنيا السعادة بالأتعاس

ومما جرالي صحت يا وقت كافي
وش عاد باقي بعد كتمات الأنفاس

اللي نبي لا روّحت بالعوافي
وشلون ترجع لأنطوى دونها الياس

قسوة زمن واحساس بالقلب خافي
وافكار تتوافد وتقفي عن الراس

مرات أفكر في طريق أختطافي
ثم اتعوذ من سخط كل وسواس

واليا اقتنعت وجيت للبيت لافي
أشوف عند الباب عسكر وحراس

وأرجع ولالي حيله إلا القوافي
وارسل لها بيتين في صفح قرطاس

ما دامنا بالحب وافي ل وافي
متعادليناًًُُ بالمشاعر والأحساس

ياليت لو للحب شوطاً إضافي
والله ما ياقف على الباب حراس

© 2024 - موقع الشعر