مدح في بني هاجر

على الله ابتدي قافي وامثّل بالقصيد امثال
جزيلات القصايد دوم انا ازهاها وتزهابي

وانا لي مع هجوس الشعر مضهارٍ ولي مدخال
على خيل المشاعر جيت انا والهجس تنخابي

سلام الله على الضيفان ناسٍ طيّبين الفال
عدد همال مزنن مع هبوب الريح صبابي

لفونا من بعيدٍ واقبلوا الدعوه وجو بالحال
تزايد فرحتي في شوفهم والكيف تو طابي

وسلام الله على ربعي سلامٍ كنه الهمال
نشى من مزنةٍ ربي يسيّرها بالاسبابي

هل الطولات ربعي من بني هاجر كرام اخصال
مواريث الشيوخ الطيبه تفخر بالانسابي

لهم فالمجد رايه ماتزعزعها مرور اجيال
تواريخ النصر من دونها العدوان ترتابي

وانا لي الفخر لاصار ربعي قولهم بأفعال
على نهج الكرم والطيب يبقى سلمنا رابي

مخاسيرن تجي وتروح مانحسب لها الاموال
بنوكٍ من فعايلنا شكت تفريغ الاحسابي

كريمين العطا وقت اللوازم تنطح الرجال
لها للظيف ترحيبٍ مثل ترحيب الاحبابي

مجالسهم بها ادلالٍ تصدّر غالي الفنجال
وعلى ذبح السمينه عادةٍ من عكف الاشنابي

وانا والله اعلم ماعلى العربان قصر افعال
ولاكن هاجسي في لابتي يشهد بالاعجابي

وعسى ربي يرد اضعوف الانفس رفقت الانذال
وعسى الاخيرات من ربي تعم الناس واقرابي

وصلوا عد مالاحت بروقٍ وانتثر همال
على الهادي محمد حامل الدعوه ولا خابي