صبر الندامه

لاواهني اللي مع الناس داله مايبالي
خال الضمير ولا ورى القلب تثريب وملامه

ان ضاق باله ساعة فالنهار بفقد غالي
اليوم الاخر كن ماودع الغالي سلامه

انا من البارح حرام على عيني التسالي
اساهر النجمات من ضيق وهجوس ووهامه

اي والله اني ضايق الصدر من شي جرالي
والقلب يطري له مع الليل مايزود آلامه

افز واقعد في محلي عدم واعزتالي
واعود اصيح اصياح من اركو بجنبه مسامه

وصلت في حد الصبر ولجلد اقسى احتمالي
وان كان حظي ما تهيالي ياصبر الندامه

لولاي اكافح علتي بالخفا بيّّن هبالي
وانا بمان الله وابي من على الارض السلامه

بسباب من حبه غدى في عيوني راس مالي
اللي غدى من بيني وبينها شده وقامه

انا اشهدن الحب بلوى من اكبار الهوالي
راعيه لو ينقل جروحه تخوّن به عظامه

وانا بليت بحب من ربي معطيه الجمالي
فيه البها والزين كله تحت ذيك اللثامه

الله مكمل فيه زينه ولله الكمالي
والموت لا منه لحظني بنظره وابتسامه

رزقني برمح مثل رمح ابو زيد الهلالي
تهشمت اظلوع صدري منه وامست هدامه

ولابارك الله في عدوه تركني دون حالي
تكسر العبره بعيني ولالي منه قامه

المسعد اللي ما طراله مثل شي طرالي
ولاطاح بيداللي يوردْهِ لي حوض الندامه