الهنوف

الهنوف اللي يتطلق خاطري بلقاه
يوم جتني حاص قلبي ما فزع للساني

مالقيت الكلمه اللي خابرن معناها
وانا قبل اشوفها امبلتع ولا يخفاني

هزني رمش العيون السود ومحياها
مثل ما هز الجبال الراسيه بركاني

رحت ابكتبها ولكن ما عرفت اقراها
وهي من اول نظرتن تكتبني وتقراني

احذفتني من يمين يدينها ليسراها
وارتعثت في حسبتي بسم الله الرحماني

ما تلفت غير في فزعة خوي القاها
من صديق و من قريب ومن بعيد عاني

كود يلحق قلب عاشق طاح في مرماها
وان بغى رد البرى يقمح وهو خسراني

والله اني كل ما دور لها مالقها
وهي لو تبغى تدورني تبى تلقاني

ماعشقت الا من اصيل الرمك واغلاها
شوق عين الفارس اللي يفرس الفرساني

ماتقول الا مميّز وصفها مولاها
فالجمال وفالدلال وفي عظيم الشاني

واللسان الذرب واخلاق الشرف يزهاها
كن ولي العرش نزلها من الاجناني

اشهدني ما سريت الا على مسراها
ولاهويت الا مهيض هاجس الوجداني

الهنوف اللي يتطلق خاطري بلقاها
غايتي في خلق ربي وقرتن لعياني