الله حسيبك ياسامي

الله حسيبك جرحت القلب ياسامي
من يوم ناديت خلق الله بساميها

جبت اسم شخص عزيز بد الاسامي
ورجعت لي ذكريات كنت ناسيها

ياشين حركت نار الشوق قدامي
كما انك ابكيت عيني لذكر غاليها

احييت ذكرى تعدت مثل الاحلامي
واجروح قلب عن العربان مخفيها

الله وشلون هي تمر الايامي
ماجا على البال اراجع حلو ما ضيها

الجادل اللي لشوفة ناظره ضامي
عني ليال الزمن كفت اياديها

كفت اياد العطا عن مرهم الآمي
الي ليا لمس جرح النفس يبريها

ياحلوها كلمة من نطقها السامي
يطرب لها السمع لا غنت معانيها

بنت الترف والشرف والصارم الدامي
اهل المواقيف لا حلت دعاويها

مثل العبيه تغنج ترف الاقدامي
عقب البطا كان شافت زول راعيها

عزالله انها فريدة جيل ياسامي
يبقى على القلب ذكراها وطاريها

لكن عقب البطا غطيت الاسامي
مبغي هل الحسد تدري وين ارضيها

لحمت ذكرى عنود الصيد بلحامي
والنفس عن صاحبي ما بان صافيها

ناس تجي فالعرب من بين الانسامي
دايم تبحث علوم ما تلاحيها

وش يجرح الناس بالله قول ياسامي
لا قلت احبها واحب ارضي تجي فيها