من حرك اشواقك - محمد العزران

من حرك اموجك مع رايح الشوق
ميّل على قلبي وحرك غصونه

لو كان قلبي من عنى الوقت مرهوق
احييت عرقه بالكفوف الحنونه

ساعة عرفتك شفت للود طاروق
وسريت في فنه وجرة لحونه

وفتحت للاشواق ميدان مطروق
الغالي جلابه وهجسي زبونه

وغنيت لين اوحاه جميع مخلوق
وجوني هل الشيله يبي يلعبونه

قلت اسمحولي باب الاشعار مغلوق
لواحد ليت المخاليق لونه

لولاه ما سقت الشعر طاق مطبوق
ولا قلت وين اهل الهوى يسمعونه

قاف شعور المهتوي فيه موثوق
لا حنة اشواقه ورودم مزونه

يوحون مزن فيه رعاد وبروق
الرعد قلبه والبوارق عيونه

وعنة هوى نفس عن الزين مصفوق
كل الظروف المانعه جات دونه

يغيب ساعات التفاكير ويفوق
والناس مما جاه ما يرحمونه

مايرحمون معذب القلب ياشوق
لاطاح راحوا فالعرب يشمتونه

ليتك على هقوة عيوني يام الذوق
الخاسر اللي لودكم ترفضونه

© 2024 - موقع الشعر