الا ياغايب وينك قضا واجهز علي الشوق
عسا تسمح لك ظروفك تمر معزي(ن) فيني
تغليتوا علي وآنا بنار اشواقكم محروق
يمين الله ما انساكم ولو تبعد وتجفيني
اقول الحق..؟ مالك حق انا اللي لي عليك حقوق
ولي حق ابتعد وارحل واشوف ان كان ترضيني
واتعزز واتغلى وابيك تضمني برفوق
وابيك تحبني قوه وتسقيني وترويني
وانا بحضنك بضلوعي واطوقك بغرامي طوق
اهلي بك كثر حبك كثر ما انت ناسيني
هلا حبي هلا قلبو هلا ياغايتي والذوق
كثر ما اذرف الدمعه كثر ما اسهر مع انيني
هلا ياللي بشموخه مثل ماقمه تعلت فوق
كثر مازارني طيفك يصبرني ويداويني
تعال اسمع قصيدة حب مكتوبه بدمع الموق
تعال وهاك ذا غصني برماني مع ليني
واذا تفهم مقاصيدي وتقرا حرفي الممشوق
ك اجمل اغنيه عذبه تسطر في دواويني
تعال ولا تخليني لكي يقضي علي الشوق
ولو هي جيتك صعبه.. وداع منك يكفيني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين