رضيت بالهم

رضيت بالهم والهم مارضي بيه
ياشين ليل(ن) تمطى مشهر(ن) نابه

يلله ان تزحزح زمان الذل مافيه
لك يازمان الردا يا مكثر اسبابه

ان جيت ك بالرضا والنفس مرضيه
رديت طرفك وجبت الجرح تزهابه

كنك قمر جيت ليلي فاقد(ن) ضيه
او كن زولك حلف ما اجيه واهنابه

هذي صواديف والاقدار مقضيه
ماني امحسوره على حي(ن) قفل بابه

وان جيتني بالجفا ماجيك بالسيه
وفيت لك لجل خلق(ن) قد ولعنا به

لو بعتني فيك قل الذوق والنيه
ماني مجاري ولاني مكثر عتابه

واخر علومي بدهن العود مطليه
وانت فعولك ترد عليك مرتابه