الــجـنـان - فواز البليبص البذالي

الجنان اللي سكنها ادم ايام الخلود
روحي اشتاقت لها والقلب في جوفي بكاها

موطني لابد ما الانسان لاوطانه يعود
لانها الاوطان مثل الام تشتاق لظناها

رابي ٍ في حظنها ايام الرضاعة والمهود
كيف ينساها وينسى من ربت فيه ورباها

لو نبش في جوفي الهم وتعدا بالحدود
اخلعة وارميه وافرح واخذ لنفسي هواها

كل ما جابت لي الامزان من نوض الرعود
واستهلت وامطرت من بعد ماطول جفاها

صرت اعرف الغيث يقبل لو خذا وجه الصدود
ويتهيا ما تهيا لك من المزن وعطاها

واخذ بكفي من الاقدار ما جابت واجود
واكرم المحروم واعطي مدت ٍ مابغى وراها

واعرف ان ابليس للنار اصدقت فيه الوعود
منلعن في الولة والاخرة حقه معاها

وادري اني ماعرفت الغيب من بعد اللحود
غيب مايجوز انتهاون فيه بالدنيا وعناها

لانها الارواح ما تبقى لها يوم الصعود
لا اعتراض ان الامانة حق صاحبها خذاها

© 2024 - موقع الشعر