الحلم

ما عاد حلمي راس قمّة صار من تحته قمم
لانّي اختنقت وحلمي بذيك الطّويلة اختنق

ولن الطموح إن ما كبر ياعل راعيه العدم
والرّاس كانه ما ينوش سهيل قل عنْه انشنق

باطفال جيلي كنت اشوف رجال يحكمهم صنم
ونا بصدري عود وفي راسي شموخ ٍ ما دنق

الرّمح كانه ما يفجّ صدور سق فيه البهم
والسّيف لابطى ما ضرب بالرّوس نصله انصّنق

لو كنت مثل الجيل همّي سهرة وكورة قدم
ما شاب راسي ولا دماغي بالشّياطين انزنق

شايل هموم الخلق من راس الهرم لين الخدم
ولا التفت ّ لناس ٍ اكبر همّهم زنن ونق

كلما تفجّر بالقدم لغم ٍ طلع تحته قزم
ما دسّه إلا واحد ٍ للعزّ عمره ما اعتنق

شرّحت اسباب انهزام الصّف ومجد ٍ انهدم
بدفوف ولا في وتر قيفان بسْ طبّ وتنق