الـتـضـحـيـه - فواز البليبص البذالي

ما كل من ضحى يحقق امانيه
ولا كل من قفى يحصل مردة

اخاف لا قفيت زاد الرجا فيه
وتجيبه الدنيا وياقف مصده

الشوق يزعجني وعقلي يهديه
متمالك ٍ نفسي ولا اقدر ارده

من قلب مضيوم ٍ تهزه بلاويه
يبكي على فرقا سنين الموده

في وقت انا ولله ما كنت قاويه
حتى بعد روحي مهي مستعده

تقطع حبال الامل في رجاويه
بيدين منهو بالقساوة يشده

الله من هم ٍ بصدري اغنيه
اليا نسيته دنيتي تسترده

وشلون ضاعت امنياتي على ايديه
والحلم يدفع لكن اليأس ضده

لو مات حلمي بالامل كنت ابحييه
يطمح ولكن حظه اللي يهده

من وين ماوجه سنينه تعنيه
كلما يعدي واجه المستبده

يجلس يهيجن ويتذكر لماضيه
ويحرك المسباح في وسط يده

ما خوفي اغرق بالبحر لو اجاريه
اخاف يغرق بي و وقف بحده

من مهجت الخفاق تزها معانيه
صاغت من الافكار ما لا تعده

ما كنت ابسكت والشعر ما ابديه
لو ما تكلم جد ابويه وجده

افنيت منه مير ما كني افنيه
متمسك ٍ فيني ولا اقدر اهده

يضيع في شعر المغفل واقديه
وافصل ثياب الجزاله بقده

واللي بلا بالشعر والله مغنيه
شعره من الشعار هو يستمده

واقول تبغاني اكمل يقول ايه
واخاف لا تاصل دموعه لخده

وآدَخله ابواب من دشها ايتيه
ما ياصل اللي آصله بعد مده

ِمن أيْنَ مَا ِجئْت الزُمُرْد لأ ُعْطِيه
يَأتِي بْما لا يُحْمَدُ العَقلُ عنده

منهو مشى معه ارخمه صار معديه
من وين ما يطلع بدربي الده

مير البلا باللي بصدري اخفيه
اخاف لا امزح وياتي بجده

والكل منا ما درى وش يبي يجيه
كانه سلم يومه يبي يجيه غده

فواز بن حمدان البذالي
© 2024 - موقع الشعر