كـــذا نعــيـــشــك.. - علي العطوي

كذا نعيشك يالهوا بس تذكار
نبداك شوق وينتهي الحال بدموع

يموت حلمك في رجا حكم الاقدار
لو للأمل في داخلك منه ينبوع

عيش بخيالك وأرتمي بحضن الافكار
دام الرجاء من يمهم صار مقطوع

لو كان في قلبك من الشوق معصار
ولوكان حبه في حشا الروح مزروع

قل ول يا حظ(ن)ويا حب مازار
قلب(ن)ونينه في دجا الليل مسموع

يسري مع الوحده في وقت الاسحار
وأن هل دمعه فالعتب عنه مرفوع

يسترجع الذكرى ويبيح الاسرار
متشتت(ن)مع فرحة(ن) مالها رجوع

كذا نعيشك يالهوا بس تذكار
نبداك شوق وينتهي الحال بدموع

© 2024 - موقع الشعر