الجريح

لـ محسن الحمري، ، بواسطة غادة العلوي، في غير مُحدد

الجريح - محسن الحمري

انا الجريح اللي مصيري تحدد
يا ناس من تقروه بله اذكروني

ياما جرحني الحب جرحٍ تجدد
ويا ما بقلبي شلت ناس ونسوني

عاملتهم بالود محدن تودد
عاملتهم بالصدق ماصدقوني

قربت منهم بس كلن تصدد
ساندتهم بالحيل مير خذلوني

راعيتهم لكن جفاهم تمدد
اتبع هوى المقفين واللي اظلموني

(حرام)انااقطع وصلهم واتشدد
و(حلال) لو عاشو بديرة بدوني

كانو حياتي وحلمي اللي تبدد
بغمضت عيوني مشوا وتركوني

لاجيت برحل قام قلبي يندد
واحساس يستنكر وتشجب عيوني

مافي مفر من حبهم او تردد
هذي حياتي بين حبي وجنوني

© 2024 - موقع الشعر