بنت خ ب ل ه

روحي وغيبي شهر..شهرين..وسنين
مايهمني..لو غبتي العمر كلّه

عوّدت قلبي في غيابك على امرين
ينسى وجودك ويتوكل على الله

هذاك لوّل كنت خايف تروحين
وخايف على قلبي من افراق خلّه

لوّل تحوّل ما بقى غير شيين
ف البال ذكراكم وف القلب علّّه

(دربك خضر) روحي وربي تلاقين
اكثار ناسٍ يعشقون بمذلّه

وناسٍ يحبونك على الزين و الشين
ما همهم مبدأ وعرفٍ وملّه

ماهمهم رحتي وجيتي مع مين؟
كل ٍ يبي له واحده تمتثل له

كل ٍ يبي ضحكه وسهره..وبعدين
محد ٍ يبي منك تكونين ظلّه

انا الوحيد اللي تصبرت..عامين
كلما جمعت العشق طيشك يفلّه

انك تلاقي مثل (محسن)..محال/ين!!
ومحال تلقي شخص خالي سجلّه

بس اذكريني و ذكري كل شي زين
قولي عرفت انسان محٍد يملّه

قولي فقدت انسان ينحط بالعين
ما في مثاله شهم هالوقت لله

واسباب هجره اني (1) من (2)
ياني (غريبة طبع)او(بنت././.)!!