هَ ذْ يَ العتاب

لحظه ، قبل لا تبتدي هَذْيَ العتاب
شوف المسار اللي سلكته واختفيت

شفني ولو تخطي علي حدّ العقاب :
لا تحسب اني بسمعك لو لي شكيت

خاين لك اللي خنتني لجله نِصَاب
وآنا لي الله ما أخون وْلا بكيت

إسمع .. تراني بعتبر وصلك عذاب
مابي وصالك .. ما أبي مثلك / خسيت

آنا على كل الهقاوي بك سراب
من صدمتي ذاب الضعف عندك قويت

مثلك : حرام آذوّقه طَعْمَ القراب
مثلي : ولا تاطي ربوعك ما حييت

الله على حظٍ فتح لي ألف باب
الله على ناسٍ تضيّع ما جنيت

لي في حياتي مبدأي وسط الكتاب
ما أنتظر رد البشر / يكفي عطيت !

لي في حياتك مدخلٍ واضح وذاب
ما أنتظر منك عذر / يكفي خطيت !

لك في حياتي فترةٍ مرّت شهاب
ما أنتظر نور الشهب / يكفي طفيت

لك في حياتك غلطةٍ فيها متاب
ما أنتظر عندي متابك لو حكيت !

إن المهم انك تعلّمت الصواب
وإن الأهم إني على حبّك قسيت !