انا المعطي

أنا المعطي من احساسي بقايا يا عسى تعطيه
وضاع اللي فلا فاده ولاهو فايد ٍ رحال

وانا حالي برود ٍ في جمود ٍ في تبلّد فيه
جفاف ٍ يبّس عروق المشاعر ظالم ٍ قتال

على جو العجاج الشّمس تكوي ماشي ٍ بالتيه
يعرضله من اوهام الضّمى طاير سراب الّال

تعلم كيف لو غاب السّحاب انّه فلا يشقيه
ولو أقبل فلا تهمّه رعود البارق الهمال

ترى طبع البشر دايم يلوم الوقت أو يشكيه
وهو ما يدري انّ الوقت لا ظالم ولا ميال

فلا لولا الأمل ما كان أحد ٍ لصّبر شاريه
ألا سعد العيون اللي لها دايم تجدّ آمال

ولالي غيره الله العظيم المعتلي أرجيه
كريم ٍ معطي ٍ واكثر رحيم ٍ عالم ٍ بالحال

على ما مرّت سنين ٍ بكذب ٍ ينكشف خافيه
على متن السّنين الماضيه شايل حمول ثّقال