أحبـــــــــــك

خذاني شوقِي وبْإِسمك بديت أكتِب مراسيلي
وصرت أهمسْ على شفاتي بلحن الشوق انا أهواكْ

تولّعت بصدى صوتك ، وجنّيت بهواك اللي
سكن فيني ، وزلزلني ، وصارت كل دروبي خطاك

أجيك بكلِّ مافيني يسيِّرني ظما ليلي
وصير بحضرتك طفله ، مسايري تحت مسراكْ

وحِس دفاك يبعثرني ويصهر كل مخاييلي
وأَحيا في تعابيرن تنسيني مدى الإدراكْ

وغني لك أنا أحبك وأناديلك تغنيلي
مثل ذاك العزوف اللي يوهّج دمعةِ الأفلاكْ

أجيلك باحتياجي لك ، وأدري فيك ظامي لي
وأدري لهفتي لحضنك تسابقني على لِقياكْ

أبي أملِك تفاصيلك ، وأبي تملِك تفاصيلي
وبي أشفى بأنفاسك ، وبي أروي ظما دنياكْ

حدودي في الهوى نجن تعدّى كِل مواصيلي
تملّكني لجل أنقش على صدري حلو ذكراكْ

حبيبي تاهت حروفي وحبك هو تراتيلي
وصدرك هو سكن فيني ، وصدري مسكنن يفداكْ

أحبك كثر ما شفتك بأحلامي تناديلي
أحبك كثر نبضاتي وكثر العمر إذايسواكْ

وِصالك يالغرام العذب تعدّى كل مواويلي
واذا تبعد فنا أقسمت بمصحف ربي ما أنساكْ